ថ្ងៃពុធ ទី២៨ ខែកក្កដា ឆ្នាំ២០៥០
គេហទំព័រ នាគមាសទំនាក់ទំនងលេខ:0977007424/017621982/0967316127
សត្វស្វាកន្ទុយសរត្រូវព្រានព្រៃបាញ់សម្លាប់ ជនដៃដល់ត្រូវបានឃាត់ខ្លួន បញ្ចូនទៅសាលាតំបូងខេត្ត
Sat,13 June 2020 (Time 11:51 AM)
ដោយ ៖ សហការី (ចំនួនអ្នកអាន: 113នាក់)

ខេត្តស្ទឹងត្រែង:ព្រានព្រៃបរបាញ់សត្វ បានប្រទះនឹងសត្វស្វាកន្ទុយសរ ដែលជាសត្វកម្រជិតផុតពូជ ក៍បាញ់ប្រហារធ្វើឲ្យសត្វស្វាសរស្លាប់ភ្លាមៗ អ្នកបរបាញ់ជាប់ខ្នោះដៃសមត្ថកិច្ចកងរាជអាវុធហត្ថខេត្ត នឹងប្រគល់ជូនមន្ត្រីបរិស្ថានចាត់ការតាមច្បាប់ បច្ចុប្បន្នមន្ត្រីជំនាញ កំពង់កសាងសំណុំរឿងបញ្ចូនជនដៃដល់ ទៅតុលាការខេត្តនៅថ្ងៃទី១៣ ខែមិថុនា ឆ្នាំ២០២០នេះ ដែលបានប្រព្រឹត្តទៅនៅថ្ងៃទី១២ ខែមិថុនា ឆ្នាំ២០២០ ស្ថិតនៅចំណុចភ្នំក្រឡាពស់ ភូមិស្វាយរៀង ឃុំតាឡាត ស្រុកសេសាន ខេត្តស្ទឹងត្រែង។

លោកអៀង វ៉ាន់ឌី មេបញ្ជាការកងរាជអាវុធហត្ថខេត្ត ក្រោយពីបានទទទួលព៍ត៌មាននេះភ្លាម លោកបានបញ្ចាកម្លាំងអាវុធហត្ថស្រុក សហការជាមួយ កម្លាំងកងរាជអាវុធហត្ថលើផ្ទៃប្រទេស ចុះឃាត់ខ្លួនជនដៃដល់ដែលបាញ់សត្វស្វាកន្ទុយសរ រួមនឹងអាវុធកែធ្នៃ១ដើមផងដែរ ហើយក៍បានធ្វើការប្រគល់ជូន មន្ត្រីជំនាញមន្ត្រីជំនាញបរិស្ថានខេត្តចាត់ការបន្តតាមច្បាប់។

ជុំវិញរឿងនេះលោក នេត្រ ភក្ដ្រា អនុរដ្ឋលេខាធិការ និងជាអ្នកនាំពាក្យក្រសួងបរិស្ថានបានឲ្យដឹងដែរថា: បញ្ហាសត្វស្វាកន្ទុយសរដែលជាសត្វកម្រ មន្ត្រីឧទ្យានុរក្សកំពង់ថែរក្សានិងអភិរក្ស ហើយលោកបញ្ចាក់ទៀតថា: នៅក្នុងប្រទេសកម្ពុជាយើង មានសត្វស្វាសរប្រមាណជាង២ម៉ឺនក្បាល ដែលកំពុងមានវត្តនៅភាគខាងកើត និងខាងជើងទន្លេមេគង្គ ពោលគឺមាននៅខេត្តខេត្តមណ្ឌលគិរី ខេត្តស្ទឹងត្រែង ខេត្តរតនគិរី និងខេត្តព្រះវិហារ.ហើយខេត្តមណ្ឌលគិរី ជាខេត្តដែលសំប៊ូសត្វស្វាកន្ទុយសរច្រើនជាងគេ ពិសេសក្នុងដែនជម្រកសត្វព្រៃកែវសីម៉ា។

សមត្ថកិច្ចបញ្ចាក់ដែរថា: ជនសង្ស័យដែលធ្វើសកម្មភាពបាញ់ប្រហាសម្លាប់សត្វស្វាកន្ទុយសរខាងលើនេះ មានឈ្មោះណាំ យ៉ុន អាយុ៣៥ឆ្នាំ មុខរបរកសិករ រស់នៅភូមិស្វាយរៀង ឃុំតាឡាត ស្រុកសេសាន ខេត្តស្ទឹងត្រែង។ ក្រោយពីរធ្វើសកម្មភាពបាញ់សម្លាប់សត្វស្វាកន្ទុយសរួចមក សមត្ថកិច្ចបានដកហូតសត្វស្វា (ប្រភេទស្វាកន្ទុយសរ) ចំនួន០១ក្បាល និងអាវុធកែឆ្នៃ១ដើមប្រភេទ (កាំភ្លើងខ្យល់)៕

បច្ចុប្បន្នមន្ត្រីជំនាញនៃមន្ទីរបរិស្ថានខេត្ត បានធ្វើការបញ្ចូនខ្លួនជនដៃដល់ រួមនឹងវត្ថុតាងកាំភ្លើងកែឆ្នៃ១ដើម ទៅសាលាដំបូងខេត្តចាត់ការតាមនិតិវិធីច្បាប់ នៅព្រឹកថ្ងៃទី១៣នេះ។ ចំណែកសាកសពសត្វស្វាកន្ទុយសរខាងលើ ត្រូវបានមន្ត្រីជំនាញយកទៅដុត រំលាយសាកសពរួចហើយដែរ។ ហើយក៍សូមអំពាវនាវដល់បងប្អូនប្រជាពលរដ្ឋទាំងអស់ ឈប់ប្រកបរបរ បរបាញ់សត្វព្រៃមកបរិភោគទៀតទៅ គឺវាខុសនឹងច្បាប់បានហាមឃាត់ នឹងមានទោសដូចករណីខាងលើនេះ ចូរជួយថែរក្សា នឹងអភិរក្សទាំងអស់គ្នា ដើម្បីជាប្រយោជន៍សង្គមជាតិរបស់យើង។

ដោយ!មាស សុផាត

ព័ត៌មានគួរចាប់អារម្មណ៍

មេខ្សល់ចំនួន២នាក់ក្រោយពីសមត្ថកិច្ចចាប់ខ្លួនបាននិងបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមនិតិវិធីច្បាប់ ()

ព័ត៌មានគួរចាប់អារម្មណ៍

ពលករ​ខ្មែរ​១គ្រួសារដឹងថា​ឆ្លង​កូ​វីដ​-១៩ ក៏​ដាច់ចិត្តដើរកាត់ព្រៃទាំងប្រថុយ ប្រថាប់ត្រឡប់មក​ស្រុក​វិញ​ត្រូវនគរបាលការពារព្រំដែនឃាត់ខ្លួន (សហការី)

ព័ត៌មានគួរចាប់អារម្មណ៍

លោកឧត្ដមសេនីយ៍​ទោ​ សិទ្ធិ ឡោះ ស្នងការនគរបាលខេត្ត​បន្ទាយមានជ័យ បានដឹកនាំកិច្ចប្រជុំបូកសរុបលទ្ធផលការងារប្រចាំខែកក្កដា និងលើកទិសដៅអនុវត្តបន្ត តាមរយៈប្រព័ន្ធអនឡាញ ( Zoom meeting) (សហការី)

ព័ត៌មានគួរចាប់អារម្មណ៍

អង្ករចំនួន១០តោន និងសម្ភារៈមួយចំនួនទៀត ត្រូវបាន ប្រគល់ជូន លោក គាត ហ៊ុល អភិបាលក្រុងប៉ោយប៉ែត (សហការី)

ព័ត៌មានគួរចាប់អារម្មណ៍

អំណោយ ជាគ្រឿងបរិភោគ និងថវិកា របស់ ឯកឧត្តម នាយឧត្តម សេនីយ៍ កែ គឹមយ៉ាន ឧបនាយករដ្ឋមន្ត្រី ប្រធានក្រុមការងាររាជរដ្ឋាភិបាលចុះជួយខេត្តបន្ទាយមានជ័យ ត្រូវបាន លោក គាត ហ៊ុល អភិបាលក្រុងប៉ោយប៉ែត នាំយកទៅប្រគល់ ជូនដល់ ពលរដ្ឋ១គ្រួសារ ជាជនពិកា ដែលមានជីវភាព ខ្វះខាតខ្លាំង !!! ក្រុងប៉ោយប៉ែត : ក្រោមការយកចិត្ត ទុកដាក់ ណែនាំ ពី ឯកឧត្តម នាយឧត្តម សេនីយ៍ កែ គឹមយ៉ាន ឧបនាយករដ្ឋមន្ត្រី ប្រធានអាជ្ញាធរជាតិ ប្រយុទ្ធប្រឆាំងគ្រឿងញៀន និងជាប្រធានក្រុមការងាររាជរដ្ឋាភិបាលចុះជួយខេត្តបន្ទាយមានជ័យ ()

វីដែអូ