ខេត្តស្ទឹងត្រែង:បរុសម្នាក់ដោយព្រោះតែផឹកទឹកប្តូរនិស្ស័យ
ទើបប្រពន្ធពុំព្រមអោយដេកជាមួយ បែជាខឹងដុតផ្ទះកម្ទេចចោល ហេតុការនេះកើតឡើងកាលពីវេលាម៉ោង២០,៣០នាទីយប់ ថ្ងៃទី១២ ខែមិថុនា ឆ្នាំ២០២០
ស្ថិតនៅភូមិកែងញ៉ៃ ឃុំសេកុង ស្រុកសៀមប៉ាង ខេត្តស្ទឹងត្រែង។

តាមប្រភពព័ត៌មានបានឲ្យដឹងថា:ករណីបំផ្លេចបំផ្លាញទ្រព្យសម្បត្តិខ្លួនឯងនេះ បង្ករឡើងដោយបរុសជាប្តីឈ្មោះឡត តាន់ ភេទប្រុស អាយុ ៥៨ ឆ្នាំ ជនជាតិខ្មែរ រស់នៅភូមិឃុំកើតហេតុខាងលើ ។

ប្រភពដដែលបន្តថា: មុនពេលកើតហេតុបុរសខាងលើ ក្នុងស្ថានភាពស្រវឹងស្រាជោកជាំ មកដល់ផ្ទះក៍ចូលទៅ
ដេកជាមួយប្រពន្ធ តែប្រពន្ធដេញមិនអោយដេកក្បែព្រោះតែស្រវឹង ថុមគ្លិនស្រារទ្រាំមិនបាន បែជាខឹងព្រោះតែផឹកទឹកប្តូរនិស្ស័យ ក៍យកភ្លើងទៅដុតផ្ទះរបស់ខ្លួនចោលទាំងយប់ ផ្អើលអស់អ្នកជិតខាងរត់មកមើល។

បើតាមនគរបាលប៉ុស្តិ៍រដ្ឋបាលឃុំសេ
កុង បានឲ្យដឹងថាផ្ទះរងការឆាបឆេះខាងលើមានទំហំ៥ម៉ែត្រនិងបណ្តោយ៦ម៉ែត្រ ធ្វើអំពីឈើប្រកស្បូវបាំងឬស្សី ក្រាលរនាបឬស្សី ឆេះអស់ទាំងស្រុង មូលហេតុមកពីផឹងស្រាស្រវឹង ខឹងប្រពន្ធមិនអោយដេកជាមួយ ទើបយកដែកកេះមកកេះដុត បណ្តាលឲ្យឆេះយ៉ាងសន្ធោសន្ធៅឆេះអស់គ្មានសល់។

ក្រោយកើតហេតុសមត្ថកិច្ចមិនអាចជួយសង្គ្រោះបានទេ ល្បឿននៃការឆេះលឿនពេក ព្រោះផ្ទះនោះធ្វើអំពីឈើ នឹងឬស្សីផងនោះ ហើយម្យ៉ាងទៀតនគរបាលប៉ុស្តិ៍នៅឆ្ងាយពីកន្លែងកើតហេតុ តែមិនបណ្តាលឲ្យរងគ្រោះដល់ប្រពន្ធនឹងកូនឡើយ។

ក្រោយធ្វើសកម្មភាពដុតផ្ទះខ្លួនឯងចោលហើយ សមត្ថកិច្ចនគរបាលប៉ុស្តិ៍ក៍សម្រេច ឃាត់ខ្លួនជនបង្កជាម្ចាស់ផ្ទះតែម្តង ដោយមានចេតនាបំផ្លាញទ្រព្យសម្បត្តិផ្ទាល់ខ្លួន៕

ដោយ!មាស សុផាត