ខេត្តស្ទឹងត្រែង: លោកស្វាយ សំអ៊ាង អភិបាលនៃគណ:អភិបាលខេត្ត ទើបអញ្ចើញចូលកាន់ដំណែងថ្មី នារសៀលថ្ងៃទី២៥ ខែសីហា ឆ្នាំ២០២១នេះ បានរៀបចំពិធីជួបសំណេះសំណាលជាមួយមន្ត្រីរាជការ ក្នុងរចនាសម្ព័ន្ធសាលាខេត្ត បន្ទាប់ពីលោកបានត្រូវរាជរដ្ឋាភិបាលតែងតាំង មុខតំណែងជាអភិបាលខេត្តស្ទឹងត្រែងថ្មីៗ។
ពីធីសំណេះនេះមានការអញ្ជើញចូលរួមពីសំណាក់ លោក លោកស្រីអភិបាលរងខេត្ត នាយក នាយករងរដ្ឋបាលសាលាខេត្ត នាយកទីចាត់ការ លោក លោកស្រី ប្រធាន អនុប្រធានការិយាល័យនៃរដ្ឋបាលខេត្ត និងមន្ត្រីរាជការសាលាខេត្តស្ទឹងត្រែងជាច្រើននាក់។

ក្នុងឱកាសនេះផងដែរលោកស្វាយ សំអ៊ាង អភិបាលនៃគណៈអភិបាលខេត្ត ក៍បានមានប្រសាសន៍ថា: ការជួបសំណេះសំណាលជាមួយមន្ត្រីរាជការ រចនាសម្ព័ន្ធសាលាខេត្តនាពេលនេះ ជាការសម្តែងការគួសមនិងឲ្យបានស្គាល់គ្នាកាន់តែច្បាស់រវាងថ្នាក់ដឹកនាំខេត្តនិងមន្ត្រីរាជការដែលបម្រើការក្នុងរចនាសម្ព័ន្ធសាលាខេត្តស្គាល់គ្នាកាន់តែច្បាស់ ដើម្បីបង្កក្ខណៈងាយស្រួលក្នុងការអនុវត្តកិច្ចការងារផ្ទៃក្នុង ឲ្យបានល្អប្រសើស្របតាមតួនាទីភារកិច្ចដែលរាជរដ្ឋាភិបាលបានដាក់ចេញ។
ស្វាយ សំអ៊ាង អភិបាលខេត្តថ្មីបានបន្តថា មន្ត្រីរាជការជាអ្នកបម្រើការជូនរាជរដ្ឋាភិបាលនិងអនុវត្តឲ្យបានគ្រប់ភារកិច្ចការងារដែលរាជរដ្ឋាភិបាលបានដាក់ចេញ ប្រកបដោយការយកចិត្តទុកដាក់ទទួលខុសត្រូវខ្ពស់ ក្នុងនាមខ្លួនជាមន្ត្រីរាជការ មានតួនាទីភារ:កិច្ចបម្រើពលរដ្ឋ។ ជាមួយគ្នានេះផងដែរលោកអភិបាលខេត្តបានកោតសរសើដល់ការបំពេញភារកិច្ចការងារ បានល្អរបស់មន្ត្រីរាជការសាលាខេត្ត ដែលខំប្រឹងប្រែងអនុវត្តដោយមិនគិតពីពេលវេលាឈប់សម្រាក់ នើយហត់ឡើយដើម្បីសង្គជាតិមាតុភូមិ ជួសមុខជូនរាជរដ្ឋាភិបាលយើង។

ទន្ទឹមនិងការកោតសរសើនេះលោកស្វាយ សំអ៊ាង អភិបាលខេត្តបានណែនាំ ដល់មន្រ្តី គ្រប់ឋានានុក្រម ត្រូវបន្តខិតខំប្រឹងប្រែងអនុវត្តការងារស្របទៅ តាមជំនាញតួនាទីភារកិច្ច ការងារដែលរាជរដ្ឋាភិបាលបានប្រគល់ជូន ត្រូវរួមគ្នាសាមគ្គី បំពេញភារកិច្ចការងារឲ្យ បានល្អ គោរពវិន័យការងារ និងគោរពគ្នាទៅវិញទៅមក ស្របតាមឋានានុក្រមការងារ ជាពិសេសត្រូវចេះបែងចែកភារកិច្ចការងារឲ្យបានល្អ គ្រប់រូបភាពត្រូវបង្កើនការសិក្សារៀនសូត្រ នូវអ្វីដែលមានការខ្វះចន្លោះពីរៀមច្បង អ្នកជុំវិញខ្លួនក៏ដូចជាលិខិតបទដ្ឋានគតិយុត្តផ្សេងៗ ដើម្បីពង្រឹងប្រសិទ្ធភាពក្នុងការអនុវត្តតួនាទី ភារកិច្ចរក្សាសាមគ្គីភាពផ្ទៃក្នុងឲ្យបាន ល្អ។
បន្ទាប់ពីជួបសំណេះសំណាលនិងការណែនាំ ក៏ដូចជាផ្តល់អនុសាសន៍ លោកអភិបាលខេត្ត ក៏បានចែកជូននូវថវិកាផ្ទាល់ខ្លួន ដល់មន្រ្តីរាជការសាលាខេត្តក្នុងម្នាក់ៗចំនួន១០ម៉ឺនរៀលផងដែរ៕។
គួបញ្ជាក់ផងដែរថា: លោកស្វាយ សំអ៊ាង អតីតៈអភិបាលខេត្តមណ្ឌលគិរី ត្រូវបានរាជរដ្ឋាភិបាលកម្ពុជាសម្រេចផ្ទេរភារកិច្ចការងារនិងតែងតាំងជាអភិបាលខេត្តស្ទឹងត្រែង និងត្រូវបានធ្វើការប្រកាសចូលកាន់តំណែងជាផ្លូវការ នៅថ្ងៃទី៤ ខែតុលា ឆ្នាំ២០២១ កន្លងមកថ្មីៗនេះ៕ ដោយ:ជួន សារ៉់ាន