ខេត្ដកំពង់ចាម ៖ រាជរដ្ឋាភិបាលបានដាក់ចេញនូវគោលនយោបាយភូមិឃុំមានសុវត្ថិភាពយ៉ាងណាក្ដីហាក់ដូចជាខាងអាជ្ញាធរមានសមត្ថកិច្ចស្រុកស្ទឹងត្រង់ ដូចជាប្រងើយ មិនគោរពអនុវត្តន៍តាមសោះឡើយ ។

ជាក់ស្ដែងថ្មីៗនេះ ទីតាំងលួចលាក់បើកលេងល្បែងសុីសងជល់មាន់នឹងអាប៉ោងមួយនេះកំពុងបើកលេងយ៉ាងសុខសាន្ដ ចម្ងាយពីភូមិប្រហែល២គីឡូម៉ែត្រ នៅចំណុចក្នុងចំម្ការកៅស៊ូ នៅខាងជើងភូមិអណ្ដូងស្វាយ ហួសខ្ទមអ្នកតាប្រហែល៥០០ម៉ែត្រ សង្វៀនជល់មាន់ និងអាប៉ោងនៅខាងលិចផ្លូវ ស្ថិតនៅក្នុងភូមិអណ្ដូងស្វាយ ឃុំព្រែកកក់ ស្រុកស្ទឹងត្រង់ ខេត្តកំពង់ចាម បាននឹងកំពុងបើលេងយ៉ាងរំភើយគ្មានរំខានដល់អាធរមានសមត្ថកិច្ចក្នុងមូលដ្ឋានឡើយហាក់បីដូចប្រទេសគ្មានច្បាប់ ដោយប្រមូលផ្ដុំគ្នាបេីកលេងយ៉ាងសប្បាយទៅវិញ ខណៈអាជ្ញាធរមានសមត្ថកិច្ចស្រុកស្ទឹងត្រង់មិនមានការបង្ក្រាប។

បើយោងតាមប្រភពច្បាស់ការ ពីអ្នកចេញចូលកន្លែងលេងល្បែងសុីសងជល់មាន់និងអាប៉ោងបានឲ្យដឹងថា ទីតាំងខាងលើនេះគឺជាកន្លែងមានក្ដីសុខសាន្ដសម្រាប់ពួកគេចូលទៅលេងដោយគ្មានក្ដីព្រួយបារម្ភហេីយគ្មានសមត្ថកិច្ចណាមករំខានឡើយ។
ហើយអ្វីដែលសំខាន់ទៀតនោះ គេសង្កេតឃើញថា បទល្មើសកើតមានជាច្រើនដូចជា ចោរឆក់ ចោរលួច ចោរប្លន់ គាស់ផ្ទះយកទ្រព្យសម្បត្តិ របស់បងប្អូនប្រជាពលរដ្ឋ និងកើតមានអំពើហឹង្សាជាច្រើន គឺអាចកើតចេញពីល្បែងស៊ីសងទាំងនេះឯង។

ជុំវិញករណីល្បែងសុីសងជល់មាន់ និងអាប៉ោងខាងលេីមួយនេះ អង្គភាពគេហទំព័រយើងខ្ញំុ បានធ្វើការទំនាក់ទំនង និងរាយការណ៍ជូន លោក ឯម វឌ្ឍនា អធិការនគរបាលស្រុកស្ទឹងត្រង់ តាមប្រពន្ធ័អេឡិចត្រូនិច(What App)និង(Telegram)លោកអធិការស្រុកស្ទឹងត្រង់បានចូលមើលហើយ ប៉ុន្តែមិនឆ្លើយតបសោះ ប្រហែលមានមូលហេតុអីហើយមើលទៅ។
ពាក់ព័ន្ធនឹងករណីល្បែងសុីសងនេះដែរ បងប្អូនប្រជាពលរដ្ឋរស់នៅតំបន់នោះ បានសូមសុំណូមពរដល់អាជ្ញាធរសមត្តកិច្ចជំនាញពាក់ព័ន្ធទាំងអស់ ជាពិសេសលោក ឧត្ដមសេនីយ៍ទោ ឯម កុសល ស្នងការខេត្ដកំពង់ចាម មេត្តាចាត់កម្លាំងជំនាញ ចុះពិនិត្យ និងបង្ក្រាបទីតាំងបើកល្បែងសុីសងខាងលើនេះផង ។
ដើម្បីឲ្យស្របតាមគោលនយោបាយភូមិ សង្កាត់ មានសុវត្ថិភាពទាំង៩ ចំណុចរបស់រាជរដ្ឋាភិបាល ដែលបានដាក់ចេញក៍ដូចជាសេចក្ដីណែនាំរបស់ក្រសួងសុខាភិបាល"៣កុំ ៣ការពារ" ផងដែរ។

អង្គភាពគេហទំព័រយើងខ្ញំុ រងចាំផ្សាយបកស្រាយឡើងវិញ ប្រសិនបើមានការពន្យល់បកស្រាយ ពីអាជ្ញាធរ និងសមត្ថកិច្ច ឬសាម៉ីជនណាមួយ ជុំវិញក្តីព្រួយបារម្ភ និងការលើកឡើងពីសំណាក់ប្រជាពរដ្ឋ នូវការបើកបនល្បែងស៊ីសងខាងលើ ក្រុមការងារយើងខ្ញំុរងចាំទទួលរៀងរាល់ម៉ោងធ្វើការ៕