អង្ករចំនួន១០តោន និងសម្ភារៈមួយចំនួនទៀត ត្រូវបាន
ប្រគល់ជូន លោក គាត ហ៊ុល អភិបាលក្រុងប៉ោយប៉ែត
តាមរយៈ លោក បោន ចាន់ថា និង លោកស្រី ង៉ោ លាងហេង ម្ចាស់ ភោជនីយដ្ឋាន មេម៉ូរី កាហ្វេ ដើម្បីបម្រើការងារមនុស្សធម៌ ដល់ប្រជាពលរដ្ឋ រងផលប៉ះពាល់ មកពី រីករាលដាល នៃជំងឺឆ្លងកូវីដ១៩ ដោយមានភាព ជឿរទុកចិត្ត លើ រដ្ឋបាលក្រុង ក្រោមការដឹកនាំ របស់ លោក គាត ហ៊ុល ជា អភិបាល នៃគណៈអភិបាលក្រុងប៉ោយប៉ែត ក្នុងការងារមនុស្សធម៌ ដល់បងប្អូនប្រជាពលរដ្ឋ ដែលជួបការលំបាក ក្នុងសម័យការ រីករាលដាល នៃ ជំងឺឆ្លង កូវីដ១៩ បណ្ដាល ឱ្យរងប៉ះពាល់ ដល់ប្រភព សេដ្ឋកិច្ច ប្រជាពលរដ្ឋ យ៉ាងធ្ងន់ធ្ងរ ។

ដូច្នេះ នៅព្រឹក ថ្ងៃចន្ទ ២ រោច ខែទុតិយាសាឍ ឆ្នាំឆ្លូវ
ត្រីស័ក ពុទ្ធសករាជ ២៥៦៥ត្រូវនឹងថ្ងៃទី២៦ ខែកក្កដា ឆ្នាំ២០២១ នេះ លោក បោន ចាន់ថា និង លោកស្រី ង៉ោ លាងហេង ម្ចាស់ ភោជនីយដ្ឋាន មេម៉ូរី កាហ្វេ ( MEMORY COFFEE ) រួមជាមួយ ក្រុម មិត្តភក្តិ បាន គៀរគ ចូលរួម គ្នា បញ្ជាទិញ អង្ករ ចំនួន១០តោន ( មួយម៉ឺនគីឡូក្រាម ) . ភួយ១០០ និងទឹកពិសារដប ចំនួន៥០យួរ មកប្រគល់ជូន ដល់ រដ្ឋបាលក្រុង ដើម្បីបម្រើការងារ មនុស្សធម៌ ចែកជូន ដល់បងប្អូនប្រជាពលរដ្ឋ ដែលជួបការលំបាក ក្នុងរដូវកាល កូវីដ១៩ នាពេលបច្ចុប្បន្ន នេះ ។

ឈ្មោះសប្បុរសជន ដែលបាន ចូលរួម ឧបត្ថម្ភ រួមមាន :

១. លោក បោន ចាន់ថា និង លោកស្រី ង៉ោ លាងហេង អង្ករ១តោន
២. លោក កែរ​ អមតៈ​ និង លោកស្រី ចាន់​ ណារី អង្ករ១តោន
៣.លោក សុីម​ វុធ្ធី​ និង លោកស្រី យ៉ាន់​ លាភ អង្ករ១តោន
៤.លោក សៀង សុភារ័ត្ន និង លោកស្រី ពេជ្យ ចិន្ដា អង្ករ ១តោន
៥.លោក តាំង វណ្ណឌី និង លោកស្រី វ៉ា ស្រីរ័ត្ន អង្ករ ២តោន
៦ . លោក លឹម ប៊ុនសុង និង លោកស្រី ម៉ៅ គឹមសៀង អង្ករ២តោន
៧ . លោក ប៊ុន រិទ្ធីជ័យ និង លោកស្រី ប៊ូ ចាន់នី អង្ករ២តោន
៨ . ក្រុមគ្រួសារ លោក តាំង វ៉ាន់ឌី ភួយចំនួន១០០ និងទឹកពិសារដប ចំនួន៥០យួរ ។