ខេត្តរតនគិរីជាខេត្ត
ដែលមានធនធានធម្មជាតិស្អាតជាងគេក្នុងប្រទេសកម្ពុជា នេះជាការលើកឡើងរបស់ ឯកអគ្គរាជទូតអង់គ្លេស ជាពិសេសតំបន់ឧទ្យាជាតិ វីរៈជ័យ។

ក្នុងដំណើរមកបំពេញបេសកម្មក្នុងទឹកដីខេត្តរតនគិរី
ឯកឧត្តមដូ មី នីក វិលលៀមស៍ (Dominic Williams) ឯកអគ្គរាជទូត អង់គ្លេសប្រចាំកម្ពុជា នៅរសៀលថ្ងៃទី២១ ខែមីនា ឆ្នាំ២០២៤នេះបានអញ្ជើញសំណេះសំណាលនិង
សម្តែងការគួសមជាមួយ ឯកឧត្តម ញ៉ែម សំអឿន អភិបាលខេត្តនៅសាលប្រជុំVIPសាលាខេត្ត។

ក្នុងជំនួបនេះ ឯកឧត្តម ឯកអគ្គរាជទូតអង់គ្លេសមាន
ប្រសាសន៍ថា គោលបំណងនៃដំណើបំពេញទស្សនៈកិច្ចមកកាន់ខេត្តរតនគិរីនាពេលនេះគឺស្វែងយល់ពីវិស័យ
សក្តានុពលរបស់រដ្ឋបាលខេត្តរតនគិរី និងទំនាក់ទំនងសហប្រតិបត្តិការរវាងប្រទេស និងប្រទេស ប្រជាជន និងប្រជាជន កម្ពុជា-អង់គ្លេស។ ហើយនេះជាលើកទី១ដែល
ឯកឧត្តម មកកាន់ទឹកដីដ៏ស្រស់ស្អាតនៃខេត្តដែលឆ្ងាយជាងគេពីរាជធានីភ្នំពេញ។ឯកឧត្តមបន្តថា អ្វីដែលឯកឧត្តម
មិននឹកស្មានដល់នោះឃើញថាខេត្តរតនគិរីមានការរីកចម្រើនលើគ្រប់វិស័យ ទីក្រុងបានលុង ហេដ្ឋារចនាសម្ព័ន្ធផ្លូវ ថ្នល់ខ្វាត់ខ្វែងជាច្រើន ។ក្នុងនោះឯកឧត្តមក៏បាន កោតសសើរខេត្តរតនគិរីថា« ជាខេត្តដែលមានធនធានធម្មជាតិស្រស់ស្អាតជាពិសេសឧទ្យាជាតិវីរៈជ័យដែលឯកឧត្តមបានទៅដល់ឃើញថាពិជាស្អាតជាងគេក្នុងប្រទេសកម្ពុជា»។

ជាការឆ្លើយតប ឯកឧត្តម ញ៉ែម សំអឿន បានស្វាគមន៍យ៉ាង
កក់ក្តៅ និងសម្តែងនូវសេចក្ដីរីករាយក្រៃលែង ដោយបាន ឯកឧត្ដម និងសហការី នៃស្ថានទូតអង់គ្លេស ប្រចាំនៅប្រទេសកម្ពុជា បានអញ្ជើញមកទស្សនកិច្ចនៅខេត្តរតនគិរី និងឆ្លៀតពេលវេលាមកជួបសម្តែងការគួរសមនាពេលនេះ។ ឯកឧត្តមអភិបាលខេត្ត បានមានប្រសាសន៍ថា ខេត្ត
រតនគិរី គឺជាខេត្តដែលមានស្ថានភាព ភូមិសាស្ត្រជាតំបន់ខ្ពង់រាបនិងមានដីក្រហមដែលមានជីជាតិដែលជាអំណោយផលដល់ការវិនិយោគរបស់ក្រុមហ៊ុននានាលើវិស័យកសិកម្មនិងកសិឧស្សាហកម្ម ចូលមកដាក់ទុនវិនិយោគ។ហើយខេត្តរតនគិរីសម្បូរទៅដោយធនធានធម្មជាតិដែលមានសក្តា
នុពលអំណោយផលដល់វិស័យទេសចរណ៍ផងដែរ។

ឯកឧត្តមអភិបាលខេត្ត មានក្ដីសង្ឃឹម និងជឿជាក់ថា រដ្ឋបាលខេត្តរតនគិរី និងស្ថានទូតអង់គ្លេស នឹងកាន់តែមានទំនាក់
ទំនងកិច្ចសហការល្អបន្ថែមទៀត ហើយនិងអាចទទួលបានវត្តមានរបស់វិនិយោគជនជាតិអង់គ្លេស មកដាក់ទុនលើវិស័យជាអាទិភាពណាមួយនៅលើទឹកដីភូមិភាគឥសានមួយនេះជាមិនខាន៕